O lume, que comezou ás 12,40 horas presuntamente por un tractor durante labores de desbroce, mobilizou un amplo dispositivo de emerxencia. As chamas afectaron unha superficie de 13 hectáreas e tamén calcinaron o castro de Xurenzás.
Para controlar o incendio, acudiron ao lugar catro avións, sete helicópteros, nove motobombas e once brigadas, ademais de axentes forestais, técnicos e maquinaria pesada. O Ministerio para a Transición Ecolóxica tamén sumou un avión anfibio, dous helicópteros bombardeiros e unha brigada de reforzo.
Os esforzos permitiron estabilizar o incendio ás 18,30 horas. A alcaldesa de Boborás, Patricia Torres, sinalou que "o aire complicaba un pouco as labores, pero ao final conseguiron o máis importante que é estabilizalo, aínda segue fumegando, pero vendo que se vai acabar extinguindo en breve".
Como consecuencia das labores de extinción, un bombero forestal resultou ferido con queimaduras no brazo dereito.
O lume tamén causou danos no patrimonio histórico, xa que ardeu integramente o castro de Xurenzas, situado na zona afectada. A alcaldesa recordou o incendio que sufriu Boborás en xuño, que arrasou case 280 hectáreas.
