O centro educativo de Mos celebrou a entrega do galardón, que lles permitiu gozar da proposta teatral e musical “Elas pintan moito”. Esta actividade, a cargo de Migallas Teatro, achegou aos nenos e nenas á vida e obra de diferentes pintoras, coñecendo a súa traxectoria e as dificultades que afrontaron.
Na entrega do premio participaron a deputada provincial Paula Bouzós e a concelleira de Educación de Mos, Julia Loureiro. Bouzós felicitou o alumnado polo seu traballo e polo recoñecemento, e animou a manter unha mirada crítica ante as mensaxes que perpetúan a desigualdade.
A iniciativa busca promover a educación en igualdade desde idades temperás, utilizando a cultura e as artes como ferramentas para visibilizar o papel das mulleres na historia e na creación artística.
