Ao longo desta semana, desenvolveranse diferentes propostas para promover a igualdade, a prevención da violencia machista e a concienciación social, implicando tamén ás novas xeracións.
O programa comeza o sábado 21 de novembro cunha andaina contra a violencia, con saída da praza do Concello ás 10:00 h. O mércores 25 de novembro, ás 10:30 h, haberá unha lectura do manifesto diante do Concello.
O xoves 26 de novembro, ás 12:00 h, o CEIP de Xermade acollerá a narración oral «Nin máis nin menos», dirixida ao alumnado. O sábado 28 e domingo 29 de novembro, de 16:00 a 20:00 h, celebrarase unha Formación en Defensa Persoal Feminina no pavillón municipal. A inscrición para esta última realízase a través do WhatsApp 678 744 178.
O Concello de Xermade subliña que a violencia contra as mulleres é unha realidade que interpela á sociedade e que a prevención, a educación e o compromiso colectivo son fundamentais para combatela. Aseguran que en Xermade seguen traballando pola igualdade e por unha vida libre de violencias.
Esta iniciativa conta co financiamento do Ministerio de Igualdade, Secretaría de Estado de Igualdade e contra a Violencia de Xénero.




