O prazo de presentación de solicitudes estará aberto ata o 12 de decembro de 2026. Esta convocatoria está dirixida ao Consello do Estudantado e ás facultades e escolas da USC.
A contía máxima por actividade será de 2.500 euros e cada centro poderá optar a un financiamento máximo por varias actividades de 4.000 euros. O límite de financiamento máximo por varias actividades non aplica ás solicitudes presentadas a través do Consello do Estudantado.
As actividades seleccionadas deberán xestionar o compromiso de gasto antes do 15 de novembro de 2027 e executarse entre o 20 de febreiro e o 30 de novembro de 2027.
Valorarase o impacto potencial da actividade na comunidade estudantil da USC, a transversalidade da proposta, a adecuación das horas propostas e que estea aberta a toda a comunidade. Tamén se terá en conta o apoio do estudantado e a implicación na organización das actividades, así como a perspectiva de xénero e o impacto ambiental.
