Con motivo da celebración da Romaría de Santa Minia e como xa é costume, os accesos con vehículos pola Avenida de Santa Minia estarán restrinxidos. Por este motivo, a veciñanza que teña que acceder aos seus domicilios con vehículos durante estes días terá que solicitar unha autorización de paso.
Para a expedición desta autorización será necesario aportar a matrícula do vehículo para o que se solicita e só se estenderá un pase por persoa e vehículo unicamente a aquelas que acrediten residir nos seguintes lugares:
- Avenida de Santa Minia, dende o número 15 ata o 116
- Lamiño (dende Avda. Santa Minia ata a estrada de Lamiño)
- Rúa Moutello
- Rúa Gondar
As persoas residentes nos lugares indicados deberán cursar as solicitudes por escrito dende o venres 18 ata o xoves 24 de setembro, nas oficinas municipais do Concello de Brión ou a través da sede electrónica municipal.
As opcións de recollida dos pases inclúen a entrega presencial na Casa da Cultura en horarios específicos durante os días 21, 22, 23 e 24 de setembro. Tamén se ofrece a opción de entrega no domicilio ou por correo electrónico, que deberán notificarse no momento da solicitude.
Para calquera dúbida, pódese contactar coa Policía Local no teléfono 981 893 474.
