A institución provincial anunciou este xoves que a colección, valorada en preto de 300.000 euros, enriquecerá o legado do escritor vilanovés. A adquisición inclúe máis de 600 documentos persoais, ademais de obras de arte, mobiliario e fotografías.
O conxunto, que se instalará no Edificio García Flórez, converterá ao Museo de Pontevedra nun centro de referencia clave sobre a figura e obra de Valle-Inclán, sumándose á Casa-Museo de Vilanova de Arousa.
“"Trátase dunha magnífica colección que está moi vencellada á súa escrita, que inclúe, ademais, mobles e documentos persoais moi interesantes. O desexo da familia era manter a colección unida, xunta e á disposición do público."
O neto do autor tamén sinalou que ofertas anteriores do anterior goberno provincial foron rexeitadas por non comprender o valor e a transcendencia da colección. O presidente da Deputación, Luis López, e o vicepresidente, Rafa Domínguez, agradeceron a disposición da familia e destacaron que a operación comezou a xestarse en outubro de 2023.
Luis López afirmou que se creará un espazo para o estudo e a admiración de Valle-Inclán, mentres que Rafa Domínguez engadiu que esta incorporación "redefine o Museo de Pontevedra".
