O festival Ikfem celebrou a súa terceira e penúltima xornada convertendo a Ponte Internacional Tui-Valença nun gran mercado de arte, música e creatividade. O evento conmemorou o 140 aniversario da ponte cunha xornada ininterrompida de 12 horas de cultura ibérica, atraendo público de todas as idades de ambos os lados do río.
Durante a xornada, o histórico paso sobre o río Miño acolleu música en directo, artesanía contemporánea, gastronomía, demostracións e espazos de reflexión transfronteiriza. A proposta reuniu 30 expositores de España e Portugal, reforzando o papel do festival como símbolo de unión entre ambos os territorios.
A programación musical incluíu oito actuacións de artistas españois, galegos e portugueses. Actuaron os portugueses Maria João Soares, Hal Still Echoes e Monção Brass, xunto aos galegos Sheila Patricia, Best Boy, La MMarca e Julián Maeso. A xornada pechou coa sesión de Señora DJ.
O festival, que puxo o foco no talento da Eurorrexión, desenvolveuse simultaneamente en tres escenarios: Tui, Valença e a propia ponte. O tránsito rodado foi pechado para dar paso ao 'Puente Creativo & Enogastronómico'.
O Ikfem finalizará hoxe na alameda de Santo Domingo, en Tui, coas actuacións de Borja Niso, Rosa Cedrón e a agrupación inclusiva ‘Caixason’.
