Durante a cerimonia, presidida pola concelleira de Cultura e Xuventude, Silvia Agrafojo, e o técnico municipal de Voluntariado, Xosé Manuel Outeiral, as voluntarias recibiron os seus certificados Youthpass, un recoñecemento europeo que valida as aprendizaxes adquiridas. Tamén se lles entregaron agasallos simbólicos de Sargadelos: un moucho para Ogsanna, pola súa afección aos animais, e unha sardiña para Zhenya, quen descubriu este manxar ao chegar a Lousame.
Silvia Agrafojo eloxiou o labor de Ogsanna e Zhenya, destacando a súa colaboración en múltiples áreas, dende o punto de atención á infancia ata o centro de día, pasando por actividades culturais e deportivas. A concelleira tamén recoñeceu o traballo de Xosé Manuel Outeiral por converter a Lousame nun referente en voluntariado, sendo un dos poucos municipios galegos con programas europeos, xuvenís e sénior.
“"Formar parte deste proxecto foi unha experiencia moi valiosa para min. Lousame é un lugar moi especial, con xente incrible. Recordarei con moito cariño a todas as persoas, as festas no club de xubilados, os nenos da gardería e do colexio, as viaxes a diferentes lugares e todas as experiencias compartidas. E, por suposto, á choiva."
Pola súa banda, Zhenya Yordanova expresou a súa gratitude e o impacto emocional da experiencia. Xosé Manuel Outeiral lembrou que o programa de voluntariado europeo se iniciou en 2016 e que Lousame participa dende 2017, acollendo voluntarios de países como Ucraína, Rusia, Italia, Bulgaria, Francia e Turquía.
“"Un dos maiores misterios para min sempre foi como unha persoa que non coñecías, de repente nuns meses se converte en parte da túa vida e deixa unha pegada no teu corazón e se converte en amigo para sempre. Grazas é unha palabra demasiado pequena para expresar o que sinto a todas as persoas de Lousame."
