A formación terá lugar no edificio de actividades náuticas do Porto do Son. O prazo de inscrición estará aberto do 26 de agosto ao 11 de setembro. As persoas interesadas poderán formalizar a súa inscrición nas oficinas da Confraría, en horario de 8:00 a 14:00 horas. Durante a semana das festas patronais, do 7 ao 11 de setembro, o horario de atención será de 10:00 a 13:00 h os días 7, 10 e 11.
Esta iniciativa formativa é totalmente gratuíta. Para acceder, será imprescindible acreditar vinculación co sector marítimo mediante a presentación do certificado de formación pesqueira, como Patrón Local de Pesca ou superior. En caso de que haxa máis inscritos que prazas dispoñibles, procederase a un sorteo mediante aplicación informática.
Terán prioridade de acceso, por esta orde, os socios da entidade e, posteriormente, os familiares de socios. Esta medida busca beneficiar á comunidade mariñeira local.
