O programa, que se estenderá ata o 15 de outubro de 2026, busca ofrecer apoio económico a fogares galegos que conten con membros que requiran coidados especiais. As persoas beneficiarias deben residir en Galicia e cumprir certos requisitos de discapacidade ou dependencia.
Para ser beneficiario, a persoa coidadora ou a persoa atendida debe residir en Galicia. Ademais, a persoa atendida debe presentar unha discapacidade cun grao igual ou superior ao 75%, ter recoñecido un grao II ou III de dependencia, ou atoparse nunha situación que requira axuda de terceiras persoas para as actividades da vida diaria.
Existen diferentes modalidades de axuda segundo as necesidades: Respiro no Fogar (atención no domicilio) cunha contía máxima de 1.000 €/ano; Respiro en Centro de Día, tamén con un máximo de 1.000 €/ano; e Respiro en residencia, que pode alcanzar os 1.500 €/ano.
As solicitudes poderanse presentar ata o 15 de outubro de 2026 a través da sede electrónica da Xunta de Galicia (https://sede.xunta.gal) ou nos rexistros administrativos. Para máis información, pódese contactar co departamento municipal de Benestar Social no teléfono 981 86 74 14.
