A resolución xudicial estima o recurso presentado pola asociación Petón do Lobo contra a autorización outorgada en agosto de 2024. O proxecto, que contaba cunha potencia instalada de 50,4 MW, afectaba aos concellos de Moeche, San Sadurniño e As Somozas.
Segundo a sala do contencioso-administrativo, o estudo de impacto ambiental non identificou nin cuantificou correctamente os efectos significativos, directos ou indirectos, que a instalación podería ter en relación con outros parques e infraestruturas próximas xa existentes na zona.
A sentenza subliña que a normativa esixe que, no procedemento de avaliación, se teña en conta a proximidade doutras instalacións. Aínda que os proxectos sexan independentes, a lei obriga a valorar a incidencia acumulativa e sinérxica conxunta para garantir a protección do medio ambiente.
