O director xeral de Gandaría, Agricultura e Industrias Agroalimentarias, José Balseiros, participou hoxe na xornada A Laracha conecta O Agro, celebrada na localidade coruñesa. Durante o seu discurso, Balseiros salientou a importancia fundamental que o sector agrogandeiro ten dentro da economía de Galicia.
Neste sentido, o director xeral lembrou o papel protagonista que xoga Galicia na produción láctea a nivel estatal, subliñando que o 42 % do leite que se obtén en España procede da nosa comunidade. Ademais, tamén puxo de relevo a fortaleza do sector cárnico galego.
Destacou tamén a presenza da Indicación Xeográfica Protexida (IXP) Tenreira Galega, que se consolida como o principal distintivo de calidade para carnes de vacún con IXP en todo o país, reflectindo o compromiso coa calidade e a procedencia dos produtos galegos.
