A medida, que se desenvolveu no auditorio do Centro Sociocultural de Paiosaco, terá unha duración inicial dun ano a partir da súa publicación no Diario Oficial de Galicia (DOG), e poderá ser prorrogada por dous anos máis, sumando un total de tres anos. Este acordo busca dar continuidade aos estudos previos para modificar o Plan Xeral de Ordenación Municipal (PXOM) co obxectivo de prohibir ou restrinxir estas industrias en solo rústico, especialmente onde poidan afectar núcleos de poboación ou patrimonio cultural.
Esta suspensión cautelar representa un paso preventivo mentres se completa a modificación do planeamento urbanístico. O Concello xa expresara o seu rexeitamento ao proxecto da planta de biogás de Soandres desde o seu coñecemento, adoptando as medidas ao seu alcance dentro das competencias municipais e seguindo os informes técnicos, xurídicos e urbanísticos.
Aclarouse que, ata a data, non se presentou ningunha solicitude de licenza municipal para este tipo de proxectos no Concello da Laracha. A única documentación existente refírese á iniciativa presentada ante a Consellería de Medio Ambiente e Cambio Climático da Xunta de Galicia para a súa avaliación ambiental.
