O Concello da Cañiza pon en marcha unha nova edición das clases de Ioga, dirixidas a todas aquelas persoas que desexen potenciar a súa saúde física e emocional a través desta disciplina milenaria.
As sesións de ioga están deseñadas para axudar a incrementar a flexibilidade, fortalecer a musculatura, corrixir posturas, aliviar o estrés e alcanzar un maior equilibrio entre corpo e mente.
Trátase dun espazo pensado para desconectar, coidar o corpo e traballar o equilibrio físico e mental mediante a práctica do ioga, enfocándose en aspectos clave como a conexión, a respiración e o benestar xeral.
Non se require experiencia previa, xa que as clases están deseñadas para adaptarse a diferentes niveis de práctica.
As clases terán lugar no Auditorio Casa de Cultura os luns e venres. Para consultar os horarios dispoñibles e realizar a inscrición, é necesario contactar directamente coa profesora, Lorena, a través do número de teléfono 636 781 441.
A actividade comezará o 1 de outubro e desenvolverase de luns a venres, en horario de 18:30h a 20:30h.
