Mos atópase entre os 39 concellos galegos galardoados na convocatoria de 2026, que rexistrou un récord de solicitudes e distincións. Este recoñecemento valora as medidas implementadas polos municipios para a ordenación territorial, a conservación do patrimonio natural, a redución de emisións de CO₂, a eficiencia enerxética e a xestión responsable de residuos.
A entrega dos distintivos tivo lugar este mércores, 21 de outubro, nun acto celebrado en Vedra, coa participación da conselleira de Medio Ambiente e Cambio Climático, Ángeles Vázquez.
Con esta nova concesión, Mos revalida o seu compromiso coa sustentabilidade ambiental e a conservación da paisaxe a nivel autonómico.
