O home, de mediana idade, caeu nunha zona de difícil acceso mentres practicaba o deporte co seu grupo. Foi un compañeiro quen alertou ao 112 Galicia sobre o suceso, ocorrido sobre as 12:00 horas.

Debido á gravidade das feridas e á perda de consciencia, activouse un operativo de rescate que incluíu a mobilización do helicóptero Pesca 2 do servizo de Gardacostas de Galicia, con base en Celeiro (Viveiro), xa que o Pesca 1, con base en Vigo, atopábase fóra de servizo. A chegada do helicóptero demorouse uns 45 minutos.

Mentres agardaban a chegada do medio aéreo, os servizos médicos desprazados en ambulancia medicalizada procederon a intubar ao ferido.

No lugar tamén se desprazaron efectivos do Grupo de Emerxencias Supramunicipal (GES) de Val Miñor, os Bombeiros do Morrazo e a Garda Civil, ante o peche do parque de bombeiros do Porriño.

Finalmente, o escalador foi trasladado en helicóptero ao Hospital Álvaro Cunqueiro para recibir atención médica especializada.