A suspensión dos servizos, que afecta principalmente o Eixo Atlántico (Vigo–Santiago–A Coruña), especialmente nas primeiras horas da mañá, débese á ausencia simultánea de catro maquinistas con base en Vigo. Esta situación impediu cubrir as quendas programadas, a pesar dos esforzos da compañía por reubicar o persoal dispoñible.
Para minimizar as molestias e garantir a mobilidade dos usuarios, Renfe puxo en marcha un Plan Alternativo de Transporte por estrada. Ademais, reforzouse a atención nas estacións para informar e asistir os viaxeiros afectados.
“"A compañía lamenta as molestias ocasionadas e asegura que traballa para recuperar a normalidade canto antes nun contexto operativo complexo."
Entre os servizos afectados atópanse conexións clave como Vigo-A Coruña, A Coruña-Vigo, Vigo-Santiago e Santiago-Vilagarcía, con horarios que van desde as 05:08 ata as 21:15.
