Os motivos para unirse a un club de lectura son variados, desde facer novas amizades e descubrir autores ata simplemente gozar da lectura en compañía. En Vigo, cada vez son máis os espazos que ofrecen esta alternativa de ocio, e máis persoas elixen compartir a súa afección polos libros no seu tempo libre.
No último ano, a cidade sumou tres novos clubs de lectura, que se unen aos xa existentes e con máis traxectoria. Entre as iniciativas máis destacadas atópase The Reading Room, un proxecto que naceu co obxectivo de facilitar a integración de persoas chegadas de fóra, ofrecendo un espazo de lectura e socialización. O club, que conta con preto de 30 membros, propón un libro ao mes e encontros presenciais en lugares relacionados coa temática, fomentando a creación de novos círculos de amizade.
“"A xente vén sobre todo para coñecer xente nova. Recuperaron o hábito de ler e ademais crearon os seus propios grupos de amigas."
Outra proposta é o club da Librería Klandestina, que se reúne semanalmente e acolle a un grupo dinámico de persoas de diversas idades, desde os 20 ata os 75 anos. As lecturas son variadas, con predilección polo suspense, e manteñen un espírito clásico de proximidade e conversación directa. Pola súa banda, o club de lectura de Vigo de Papel optou por un formato dixital, o que lle permitiu conectar a preto de 500 participantes de todo o mundo a través de chats en Whatsapp e Telegram, facilitando a participación sen barreiras xeográficas.
A medio camiño entre o social e o aberto atópase Vigo Club de Lectura, que celebra as súas reunións en La Galería Jazz. Este club está aberto a calquera persoa interesada, e o seu promotor destaca que o importante non é tanto o libro en si, senón a conversación que xorde a partir del. A participación é variable, e a elección dos títulos busca xerar debate sobre temas de interese. Ademén, conviven outras iniciativas activas na cidade, como as do Ateneo Atlántico, Café Vitruvia ou Casa del Libro, así como o ciclo #BiblioMarco do Museo Marco.
