Dende a institución municipal subliñouse a figura de Ocampo como a dun home íntegro, respectuoso e sempre disposto a colaborar na defensa do Porriño e da cultura local.
Máis aló da súa faceta política, Pedro Ocampo deixou unha marca significativa no ámbito educativo como docente no IES Pino Manso. Alí, impulsou diversas iniciativas dirixidas á mocidade, destacando a creación da revista OPino.
Esta publicación logrou fomentar o pensamento crítico e as inquedanzas intelectuais nunha xeración de estudantes. A Corporación Municipal, en nome de todo o Concello, traslada o seu máis sentido pésame á familia, amizades e seres queridos neste momento de tristura para a veciñanza.
