O atletismo foi protagonista o domingo 13 de setembro coa disputa da XIV Milla Porriñesa “Festas do Cristo”. Organizada polo Concello do Porriño e o Club Atletismo Porriño, a carreira tivo saída e meta na Praza do Concello, percorrendo o centro urbano. Os gañadores absolutos recibiron a tradicional Bola de Pan do Porriño.
O ciclismo tamén tivo o seu espazo o sábado 12 de setembro coa celebración de La Nocturna 2026. Organizada polo Master da Louriña C., esta proba reuniu a 300 deportistas de múltiples categorías polas rúas da vila.
Paralelamente, o fútbol base congregou a numerosos afeccionados no Campo de Fútbol de Atios coa disputa da segunda xornada do torneo Atios Cup, centrada na categoría benxamín.
A actividade deportiva na vila continúa esta semana. A Praza Arquitecto Antonio Palacios acollerá as presentacións do Porriño Baloncesto Base (martes 15) e do Club Deportivo FSV de patín en liña (mércores 16). O venres 18, o Club Ximnasia Rítmica Porriño presentará o seu equipo no Pavillón Municipal.
No eido do fútbol, o mércores 16 disputarase a fase previa do Torneo Fútbol Senior 3X1 en Mosende. O sábado 19, o Torneo Atios Cup pecharase coa categoría pre-benxamín. Ademais, celebraranse o Torneo de Padel e o Torneo de Tenis Festas do Cristo 2026.
Como broche final, o domingo 20 de setembro terá lugar a esperada Interrunning CAE 2026. A organización recorda que o prazo de inscrición para as súas modalidades de 10K, 5K, Andaina 8K, carreiras infantís e IV CAE Empresas remata en tres días. As inscricións aínda están dispoñibles na web emesports.es.
