O accidente obrigou a activar o Plan de Emerxencias da Xunta debido ás características da carga e aos danos sufridos polo vehículo. A cisterna rexistrou varias fugas e produciuse un incendio, que foi rapidamente extinguido polos servizos de intervención.

No lugar do sinistro traballan efectivos dos Bombeiros de Vigo, dos Bombeiros do Baixo Miño, do GES de Mos e axentes da Garda Civil de Tráfico. A prioridade do operativo céntrase en garantir a seguridade na autoestrada, controlar as fugas de combustible e evitar novos riscos derivados da presenza de gasóleo na vía.

A interrupción do tráfico afecta ao punto quilométrico onde se produciu o accidente. As autoridades recomendan aos condutores non achegarse á zona, extremar a precaución e seguir en todo momento as indicacións dos servizos de emerxencias e dos axentes desprazados.