A directora-xerente do CETMAR, Rosa Chapela, recibiu o recoñecemento en nome de todo o persoal que nestes 25 anos pasou pola fundación galega. Destacou que o equipo multidisciplinar está "ao servizo do mar e das xentes que viven del" e que, ademais da súa formación, conta co coñecemento aprendido falando co sector marítimo-pesqueiro, ao que agradeceu o seu apoio e ao que definiu como "a nosa forza maior".
Chapela resaltou tamén o respaldo da Administración e a súa confianza na labor do Centro Tecnolóxico do Mar, que desde a súa creación no ano 2001 vén poñendo a ciencia e a innovación ao servizo do mar galego. Celebrou tamén o apoio para o desenvolvemento de proxectos e servizos nos ámbitos europeo e da cooperación internacional, o que permitiu un produtivo intercambio de coñecementos.
Ao final da súa intervención, a directora-xerente do CETMAR reiterou o agradecemento a todos os que fixeron posible estes 25 anos de labor compartida, incidindo en que "non terían sentido sen o apoio do sector", e afirmou que o traballo continuará no futuro porque "o mar é a nosa casa".
“"a forza maior"
