As obras no estadio de Balaídos continúan coa instalación da estrutura que albergará a cuberta da bancada de Gol. Segundo informou o alcalde, Abel Caballero, a instalación constará de 16 tramos, seis na parte frontal e dez na traseira.
Os traballos manteñen o ritmo previsto e a previsión é que a bancada estea totalmente rematada a finais deste ano. Paralelamente, realízanse actuacións nos espazos interiores, incluíndo albañilería, carpintería, illamento, pavimentación e instalación de redes de saneamento.
Os 791 novos asentos xa foron colocados, o que permitirá ampliar a capacidade de uso do estadio mentres finalizan as obras. A nova bancada de Gol terá máis de 7.000 localidades, elevando o aforo total de Balaídos a aproximadamente 31.000 espectadores.
“"Son 16 tramos, seis na parte de adiante e dez na parte de atrás da bancada. A actuación avanza a moi bo ritmo."
Caballero tamén confirmou que Vigo mantén os prazos para ser sede do Mundial 2030, afirmando que se están cubrindo "perfectamente tempo e forma". Criticou as "dúbidas" e "falsedades" que, segundo el, está a sementar a Federación.
