A delegada territorial da Xunta en Vigo, Ana Ortiz, desprazouse este venres á Finca de San Roque para coñecer os preparativos da tradicional romaría que se celebra esta fin de semana na cidade. A representante autonómica percorreu as instalacións e quixo felicitar persoalmente á Irmandade Cultural e Social de San Roque polo seu esforzo na organización do evento.
Durante a visita, Ana Caride, presidenta da irmandade, e Teresa Pérez, vicepresidenta, informaron á delegada sobre os últimos detalles da romaría, unha das citas festivas máis recoñecidas de Vigo.
“"O seu esforzo organizativo é fundamental para manter viva esta tradición."
A romaría de San Roque, que se celebra no barrio vigués, conta cunha longa tradición e atrae a numerosos visitantes cada ano, sendo un punto de encontro cultural e social para a cidade.
