O suceso ocorreu cando o turismo no que viaxaban pai e fillo se estrelou contra un castiñeiro na entrada da parroquia. O aviso foi recibido polo 112 Galicia sobre as 19:15 horas, alertando de que un dos ocupantes podería falecer e o outro se atopaba en estado moi grave.
Ao lugar desprazáronse efectivos de Urxencias Sanitarias 061, os Bombeiros de Verín, a Garda Civil de Tráfico, o GES da Gudiña e voluntarios de Protección Civil de Vilardevós. Os equipos de emerxencia confirmaron que os ocupantes xa estaban liberados do vehículo.
A pesar dos esforzos, os servizos sanitarios unicamente puideron certificar o falecemento dunha das persoas implicadas. A outra persoa foi trasladada de urxencia a un centro hospitalario en estado grave.
