Un motorista resultou ferido este venres tras sufrir un accidente na estrada N-525 ao seu paso polo concello de Vilardevós. O suceso produciuse ao redor da unha da tarde, á altura da parroquia de Osoño. Para atender o sinistro, activáronse os servizos de emerxencia, incluíndo os bombeiros de Verín, a Garda Civil de Tráfico e Urxencias Sanitarias, que informaron de lesións nun brazo e unha perna para o condutor da moto.
Ademais, na mañá deste mesmo venres, os servizos de emerxencia de Barbadás tiveron que intervir por un incendio nun vehículo. A alerta recibiuse por mor dun turismo en chamas na praza Vella da Valenzá. Cinco efectivos e un furgón desprazáronse ao lugar para extinguir o lume do coche.
