O procedemento, publicado no Portal de Contratos Públicos de Galicia, ten como finalidade facilitar o diagnóstico precoz destas patoloxías mediante o uso de fluído oral. Estes test, baseados en inmunoensaios cualitativos, permiten identificar anticorpos do VIH-1/2 e da hepatite C de xeito individualizado.
O contrato terá unha vixencia inicial de 12 meses, cunha posibilidade de prórroga que podería estender a subministración ata os dous anos. As empresas interesadas en participar nesta licitación teñen de prazo ata o vindeiro 7 de outubro para presentar as súas propostas.
Esta adquisición enmárcase no Plan galego de infeccións de transmisión sexual 2026-2030, unha estratexia autonómica que conta cun orzamento global de 195 millóns de euros para o quinquenio. O obxectivo principal é reducir a incidencia destas infeccións nun 5 % anual, consolidando ferramentas de prevención, investigación e tratamento para erradicalas como problema de saúde pública.
