A Axencia Estatal de Meteoroloxía (AEMET) activou un aviso de nivel amarelo por tormentas que comezará nas primeiras horas da madrugada do día 6 en Pontevedra (Rías Baixas e Miño), estendéndose ás primeiras horas da mañá a Lugo (Centro) e ao resto das zonas de aviso de Galicia a partir do mediodía. Este fenómeno prolongarase ata a última hora do día. As tormentas poderían ser de intensidade superior de forma puntual.
Ademais, haberá un aviso de nivel amarelo por choiva que afectará a toda a comunidade dende a mañá do 6 de outubro e ao longo de toda a xornada. Espérase unha precipitación acumulada de 15 mm nunha hora.
Ante estas previsións meteorolóxicas, a Dirección Xeral de Emerxencias e Interior comunica a necesidade de adoptar as medidas preventivas oportunas e, no seu caso, alertar ou mobilizar os medios e recursos dispoñibles.
En caso de calquera emerxencia, recoméndase chamar ao 112, o Centro Integrado de Atención ás Emerxencias de Galicia.
