Esta actuación, que forma parte do Plan de Nova Arquitectura Pedagóxica, busca solucionar os problemas de filtracións de auga que afectan á pista deportiva, aos vestiarios e aos almacéns do centro educativo. Os traballos, que comezarán nos próximos días, tamén abordarán as filtracións nos anexos laterais e nos soportais que conectan o edificio principal co ximnasio.
As obras centrarase na substitución das placas de cuberta por panel sándwich, a mellora do sistema de evacuación de augas pluviais con novos canlóns e baixantes, a instalación dun falso teito con panel acústico na pista deportiva e a modernización da iluminación por equipos led no ximnasio e anexos. Tamén se aproveitará para arranxar unha pequena filtración no edificio principal do instituto.
Esta intervención forma parte dun investimento total de 712.877,95 euros da Xunta en 16 actuacións en centros educativos da Terra Chá, Meira e As Pontes. Outras obras destacadas inclúen a renovación da cuberta do Ceip Santa María en As Pontes (217.787,90 euros) e melloras de eficiencia enerxética no Ceip Terra Chá de Vilalba (198.440 euros), que incluíron a substitución de fiestras e luminarias.
