A artista Violeta Bernardo, recoñecida escultora da localidade de Sarria, fai gala dunha filosofía de vida que prioriza o coidado integral do corpo e da mente para manterse "ágil" e activa. A súa rutina inclúe a práctica regular de pilates, camiñatas diarias e unha dieta equilibrada, elementos clave que contribúen ao seu benestar.
O pilates converteuse nunha parte fundamental da súa vida hai aproximadamente "uns 17 anos". Bernardo chegou a esta disciplina "de casualidade" tras recomendación dunha amiga para solucionar problemas de espalda. "Non sabía nin o que era. Mellorei tanto que xa non o deixei", afirma a sarriá, quen acode a clases dúas veces por semana. Ademais, destaca que o pilates foi crucial na súa recuperación tras sufrir unha fractura nun brazo hai doce anos, chegando a dicir que "o pilates me evita tomar moitas pastillas para a dor". Aínda que tamén practica yoga, o pilates mantén unha maior frecuencia.
A camiñata diaria é outro dos piares da súa rutina. Bernardo percorre uns seis quilómetros cada día, unha actividade que lle permite "oxixenarse, deixar a mente en branco e desconectar". Non segue unha ruta fixa, preferindo a variedade e aproveitando a proximidade da natureza en Sarria para gozar de espazos agradables para camiñar.
En canto á alimentación, a artista fai fincapé en "comer de todo, pero con sentido". A súa dieta baséase no consumo abundante de froita e verdura, froitos secos, menor inxesta de carne vermella, peixe tres veces por semana, carne de ave e legumes "lights, só con vexetais" dúas ou tres veces á semana. Evita os produtos procesados, xa que prefire "facer a comida e saber o que como", reservando os doces para "días especiais".
Bernardo tamén subliña a importancia de "entrenar a mente". Lectora "empedernida", este ano matriculouse na UNED Sénior para estudar inglés. "É moi importante coidar a mente, ás neuronas tes que darlles de comer, adestralas, para que non se oxiden", opina, recalcando a necesidade de manter o cerebro activo.
