Durante toda a xornada, os asistentes puideron adquirir artigos de segunda man e pezas de artesanía procedentes de Senegal, país onde a entidade desenvolve a súa labor humanitaria. O evento, bautizado como Malicounda Teranga, buscou visibilizar a cultura senegalesa a través dunha proposta lúdica e solidaria.

Un dos momentos máis destacados foi o pasacalles, que encheu as rúas de Sarria coas cores amarela, verde e vermella, características da bandeira senegalesa. A animación correu a cargo dun creador que utilizou miles de globos para elaborar as figuras que desfilaron polo centro urbano.

A programación completouse con espectáculos de maxia, humor e unha oferta gastronómica variada. O apartado musical estivo amenizado polas actuacións de Esmorga Dj's, Os Parentes de Sober e 7 Rojo, que contribuíron a dinamizar o ambiente festivo da xornada.