O galardón está destinado a distinguir a entidades que demostren unha dedicación e implicación significativas na mellora da calidade de vida da colectividade. O prazo para a presentación de candidaturas permanecerá aberto ata o vindeiro 30 de novembro.
As persoas xurídicas destinatarias do premio deberán ter o seu ámbito xeográfico de actuación principal en Galicia. O premio será único e indivisible, e a candidatura gañadora recibirá unha dotación económica de 2.000 euros, achegada ao 50% por Alumni-USC e o Consello Social, como contribución aos labores solidarios ou humanitarios que estea a desenvolver a entidade.
As candidaturas para o premio Humanitas deberán presentarse mediante un escrito razoado, que se formalizará a través do rexistro electrónico da USC.
