A conselleira de Vivenda e Planificación de Infraestruturas, María M. Allegue, xunto á directora xeral de Urbanismo, Encarnación Rivas, formalizou o acordo co alcalde de Ribadeo, Daniel Vega, no marco do Plan Hurbe. A actuación centrarase na renovación do firme destes viarios urbanos, que rexistran unha alta intensidade de tráfico.
Os traballos consistirán no fresado, limpeza e estendido de aglomerado en quente para mellorar as características superficiais do pavimento actual. A Xunta de Galicia asumirá o 70% do orzamento, preto de 65.000 euros, e será a encargada de contratar e executar as obras.
Pola súa banda, o Concello de Ribadeo achegará o 30% restante do custo, case 28.000 euros, e incorporará as actuacións realizadas ao seu patrimonio municipal.
