O Grupo de Participación Adolescente (GPA) de Burela celebrou recentemente unha reunión para preparar a súa participación na Xornada de UNICEF no Parlamento Galego, que terá lugar o 20 de novembro con motivo do Día Mundial da Infancia.
Os adolescentes intervirán na xornada para falar sobre o dereito á educación. Para iso, participaron nunha edición especial do xogo Memory de UNICEF sobre os dereitos da infancia e visionaron un vídeo sobre as realidades do acceso á educación no mundo.
Estas actividades serviron para que o grupo comecen a xerar as ideas e reflexións que presentarán no Parlamento Galego, unha oportunidade para aprender e expoñer a súa visión sobre os dereitos da infancia.
“"Estas reunións tamén son unha oportunidade para aprender cousas novas, compartir opinións e preparar xuntos e xuntas o que queremos contar no Parlamento. É importante que se escoite o que pensan os adolescentes sobre temas que tamén nos afectan directamente."
