A Escola Técnica Superior de Enxeñaría (ETSE) da USC organizou este encontro que tivo lugar na cidade compostelá. A inauguración contou coa presenza da vicerreitora de Estudantado, Igualdade, Diversidade e Benestar, Lorena Añón, xunto á directora da ETSE, Julia González; a presidenta do comité organizador, Clara Álvarez; o presidente de RITSI, Carlos Arjona; a presidenta do Consello do Estudantado, Iria Liñares; e o vicesecretario do Colexio Profesional de Enxeñaría en Informática de Galicia (CPEIG), Roberto Vieito.
Durante a xuntanza, a organización definiu a súa folla de ruta coa aprobación dun novo Plan Estratéxico. Tamén se presentaron e trataron informes de xestión e actualizáronse posicionamentos institucionais fronte aos retos do sector académico e tecnolóxico.
Ademais da asemblea, que se desenvolveu entre os días 5 e 7 de novembro, a asociación organizou no Centro de Estudos Avanzados tres mesas redondas. Estas mesas contaron coa participación de profesionais do sector co obxectivo de dar a coñecer as demandas do mercado laboral e mostrar o talento que as escolas e facultades galegas e españolas xeran anualmente.
