O espectáculo terá lugar no Palco da Música do Paseo Marítimo ás 22:30 horas. Esta iniciativa forma parte do programa +Música, dotado con 700.000 euros, que busca colaborar cos concellos na súa programación cultural e difundir a lingua e a cultura galegas.
Sés, coñecida polo seu carisma e forza persoal, presentará en Moaña o seu novo traballo discográfico, “Nadando na incerteza”. A artista, con once anos de traxectoria e oito discos editados, é un referente da escena musical galega.
Este concerto é unha das 93 actuacións financiadas polo programa +Música, que se desenvolven entre maio e decembro en 58 concellos da provincia con menos de 50.000 habitantes. O orzamento total do programa ascende a 700.000 euros, co obxectivo de impulsar a reputación de Pontevedra como destino cultural e promover a descentralización da cultura.
