A empresa biotecnolóxica galega DIVERSA Technologies participou na 13.ª edición de Pont-Up Store, celebrada en Pontevedra os pasados 11 e 12 de setembro. Alí, a compañía presentou Sphirence, a súa nova liña tecnolóxica orientada ao sector cosmético, e reforzou a súa conexión co ecosistema galego de innovación.
DIVERSA foi unha das oito startups seleccionadas para Pont-Up Venture, un espazo dirixido a proxectos con base tecnolóxica e potencial de crecemento. Neste foro, a empresa tivo a oportunidade de presentar o seu modelo de negocio ante profesionais vinculados a fondos e vehículos de investimento, mostrando o potencial de Sphirence para mellorar a estabilidade e liberación de ingredientes activos en formulacións cosméticas.
“"Pont-Up permitiunos presentar Sphirence ante un ecosistema moi diverso e, ao mesmo tempo, contrastar a súa proposta de valor nun contorno orientado ao crecemento. Ser unha das oito startups seleccionadas para Venture e recibir ademais o recoñecemento en Saúde e Benestar supón un impulso importante para esta nova etapa de DIVERSA."
A participación de DIVERSA culminou co recoñecemento de Sphirence na modalidade de Saúde e Benestar de Pont-Up Store 2026. Este premio destaca a transferencia de coñecemento científico e biotecnolóxico ao mercado e o desenvolvemento de novas aplicacións a partir de tecnoloxías nacidas no ámbito biomédico.
Sphirence traslada a experiencia da compañía en sistemas avanzados de transporte molecular e formulacións lipídicas á encapsulación de ingredientes activos. DIVERSA Technologies, spin-off do Instituto de Investigación Sanitaria de Santiago de Compostela (IDIS) e do SERGAS, amplía así o alcance da súa tecnoloxía cara a novos sectores.
