Estas tarxetas electrónicas permitirán identificar a persoa titular e acreditar electronicamente a súa identidade. Ademais, funcionarán como soporte da sinatura electrónica, facilitando o acceso ás aplicacións e sistemas de información, así como a sinatura de documentos e trámites electrónicos. Tamén axudarán ao control de acceso ás zonas restrinxidas dos centros sanitarios.
O contrato inclúe a subministración das unidades, o software necesario para o seu funcionamento e xestión (middleware, drivers, etc.), e o soporte técnico para incidencias relacionadas coas tarxetas e a súa integración coas plataformas existentes. A empresa adxudicataria deberá designar un punto de contacto para a xestión destas incidencias.
A distribución das tarxetas e do investimento está planificada por anualidades: 5.000 unidades en 2026, 25.000 en 2027 e as 20.000 restantes en 2028. O acordo marco terá unha duración inicial de dous anos, prorrogable ata catro.
As empresas interesadas poderán presentar as súas ofertas ata o vindeiro 27 de novembro ás 14:00 horas.
