O sinistro tivo lugar no quilómetro 16 da mencionada vía, á altura da parroquia de Vilamor. O 112 tivo coñecemento do suceso pouco despois das 0:30 horas, grazas a un aviso automático do teléfono dunha das persoas implicadas.
Tras recibir a alerta, o Centro Integrado de Atención ás Emerxencias mobilizou a Urxencias Sanitarias de Galicia-061, os Bombeiros de Monforte, o GES de Quiroga, a Garda Civil de Tráfico, Protección Civil de Folgoso do Courel e os servizos de mantemento da estrada.
“"O acompañante estaba gravemente ferido e posiblemente atrapado dentro do vehículo."
Aínda que nun primeiro momento se temeu que unha das persoas estivese atrapada, finalmente non foi necesaria a excarceración. Os profesionais sanitarios evacuaron o ferido en ambulancia para recibir atención médica.
