A fase de probas deste servizo, que afectará a preto de 300 negocios, comezará a principios de maio. A iniciativa busca optimizar a xestión dos residuos na zona vella da cidade, adaptándose ás necesidades dos establecementos comerciais e de hostalaría.
A recollida de residuos, que inclúe papel e cartón, vidro, envases, orgánico e fracción resto, realizarase a partir das 20:30 horas. Desde o Concello subliñan que os horarios e frecuencias poderán axustarse durante o período de proba para garantir a máxima eficiencia do sistema.
“"Foi unha reunión informativa para presentar o novo sistema e resolver preguntas e dúbidas."
Durante as próximas semanas, os establecementos recibirán pequenos contedores específicos para cada tipo de residuo, con capacidades de 90 ou 120 litros. Estes recipientes serán os que deberán utilizar cando as brigadas de recollida pasen pola zona monumental.
O período de proba, que se estenderá entre 15 días e tres semanas, permitirá ao sector privado adaptarse ao novo plan. Ademais, o Concello manterá os contedores tradicionais para os veciños do casco histórico, que desaparecerán antes do verán para dar paso a illas de quita e pon.
