A Asociación Centro Cultural de Veciños do Pelete e a Asociación de Veciños de Laxedo, no concello da Lama, recibiron preto de 24.000 euros en total para a mellora das súas infraestruturas. A primeira delas obtivo 12.000 euros para o acondicionamento da cuberta da Casa do Pobo do Pelete, mentres que a segunda recibiu unha contía similar para a adecuación da aula da Casa do Pobo de Borela.
Estas subvencións, xestionadas pola Dirección Xeral de Administración Local, buscan contribuír á conservación, mellora e modernización dos locais sociais. O obxectivo é que as entidades veciñais dispoñan de espazos axeitados para desenvolver as súas actividades e prestar servizo á veciñanza.
No conxunto da provincia de Pontevedra, preto de 160 entidades beneficiáronse destas axudas, cun investimento global superior a 1,7 millóns de euros. Estas subvencións abranguen tanto a execución de obras como a adquisición de equipamento e material.
“"O seu traballo resulta fundamental para manter vivos os nosos pobos, fortalecer a convivencia e dinamizar a vida social e cultural do rural. A Xunta continuará apoiando este tipo de entidades, que son un piar esencial para fixar poboación e mellorar a calidade de vida da veciñanza."
O delegado territorial, Pablo Fernández, destacou durante a visita o importante labor que desenvolven as asociacións veciñais para manter a vida nos pobos e fortalecer a convivencia.
