O recoñecemento pon en valor o traballo desenvolvido durante décadas no ámbito da química orgánica e a bioloxía mariña. A súa labor investigadora, centrada no grupo Pronamar da Universidade da Coruña, permitiu o rexistro de máis de 150 publicacións científicas e oito patentes internacionais.

A súa excelencia académica foi avalada tamén pola Universidade de Stanford, que o incluíu na súa prestixiosa lista World’s Top 2% Scientist. Este ranking identifica aos investigadores con maior impacto global, destacando a súa contribución ao desenvolvemento de novos fármacos a partir de organismos mariños.

Actualmente, o seu equipo traballa en liñas de investigación interdisciplinares que abarcan desde a acuicultura ata a busca de tratamentos antivirais e compostos para mellorar a preservación de órganos en transplantes. O investigador subliña a importancia da colaboración entre diferentes áreas do coñecemento para avanzar na ciencia.