O delegado da Xunta en Ourense, Manuel Pardo, participou na presentación desta nova edición, que conta co patrocinio da Xunta e da Deputación Provincial.
O recinto feiral de Expourense converterase nun punto de encontro para o lecer familiar e educativo, ofrecendo actividades de construción, inchables e zonas de saltos con estruturas xigantes.
O evento contará con dúas sesións diarias de catro horas, de 10:00 a 14:00 e de 16:00 a 20:00 horas. As entradas xa están á venda en Ataquilla.com cun prezo de 10 euros por sesión, mentres que os menores de 3 anos terán acceso gratuíto.
