Os traballos consisten no fresado e na reposición das zonas máis deterioradas do firme, ademais da extensión dunha nova capa de rodadura en todo o trazado. A intervención inclúe tamén a instalación de tres pasos elevados con mestura bituminosa en quente para incrementar a seguridade viaria.
Esta actuación enmárcase nun proxecto máis amplo da Consellería de Vivenda e Planificación de Infraestruturas para a mellora de trece travesías urbanas de titularidade autonómica na cidade. O orzamento total destinado a estas melloras supera os 2,8 millóns de euros.
Para facilitar a execución das obras, habilitáronse itinerarios alternativos de tráfico que contan coa sinalización correspondente, consensuada coa Policía Local. O plan busca mellorar a accesibilidade mediante a instalación de plaquetas podotáctiles e o rebaixe de beirarrúas nos cruces.
O Goberno galego xa completou intervencións similares en vías como Emilia Pardo Bazán, Peña Trevinca, A Coruña, Sáenz Díez e Río Arnoia, entre outras, dentro do seu obxectivo de garantir a conservación da rede viaria autonómica.
