Centenares de ciclistas déronse cita en Arnoia para o inicio desta tempada, que ten como obxectivo principal fomentar a práctica do ciclismo de montaña e, ao mesmo tempo, poñer en valor os recursos naturais e paisaxísticos das diferentes localidades participantes, contribuíndo así á dinamización do territorio.

Nesta primeira parada, o CDM Xesteiras destacou polos seus resultados, acadando vitorias nas categorías masculina e feminina individual. Tamén tivo unha notable actuación o CC Terras de Celanova, que conseguiu dous dos tres postos do podio na categoría E Bike Masculino.

A seguinte cita deste circuíto de probas está programada para o vindeiro 3 de maio na localidade de Gomesende, continuando coa promoción do deporte e o patrimonio natural da provincia.