A tempada estival nas praias do Concello de Ortigueira conclúe cun resultado favorable, xa que os areais do municipio recibiron veciños e visitantes que puideron gozar das súas xornadas de praia con normalidade e sen incidentes salientables.
Este éxito foi posible grazas ao labor dos equipos de salvamento e socorrismo, Protección Civil, Policía Local e outros profesionais implicados no dispositivo de seguridade e atención nas praias, cuxo compromiso permitiu asegurar unha campaña tranquila e segura.
Os informes dos equipos de socorrismo das praias de Morouzos e A Concha detallan un total de 73 intervencións de primeiros auxilios durante a tempada, 43 delas na Concha e 30 en Morouzos. Só rexistrouse unha operación de rescate complexa.
Un momento destacado do verán foi a eclipse solar total do 12 de agosto, que atraeu numerosos visitantes. O Concello organizou un dispositivo especial para garantir o goce seguro e ordenado deste fenómeno astronómico.
O pasado 15 de setembro procederase ao arriado das bandeiras "Bandeira Azul" e "Praias sen fume", recoñecementos que subliñan o compromiso do Concello coa calidade dos servizos, a protección ambiental e o benestar dos usuarios.
O Concello de Ortigueira agradece a colaboración de todas as persoas e equipos que contribuíron ao bo desenvolvemento da tempada estival e reafirma a súa vontade de seguir mellorando a calidade e seguridade das súas praias.
