Esta cifra representa o maior investimento nunha lexislatura na historia do municipio, centrado na mellora de numerosas vías secundarias para reforzar a seguridade e as condicións de circulación.
A iniciativa responde a unha prioridade do goberno municipal: solucionar as deficiencias das infraestruturas viarias, que teñen un impacto directo na mobilidade e na vida cotiá dos veciños e veciñas.
O esforzo económico permitiu acometer melloras en distintas vías, avanzando na renovación dunha rede viaria extensa que require investimento continuado.
Ademais, os 2,6 millóns de euros non inclúen as actuacións realizadas en pistas forestais, polo que o investimento total en vías é aínda superior.
“"Desde o Concello eramos moi conscientes, desde o inicio deste mandato, dos problemas que xeraba o mal estado de moitas das pistas do municipio. Por iso decidimos abordar esta cuestión cun investimento importante e sostido, porque o estado destas infraestruturas ten un impacto directo no día a día dos nosos veciños e veciñas."
“"Avanzamos moito nestes tres anos, pero aínda queda traballo por facer. Seguiremos destinando recursos a mellorar as pistas e a dar resposta ás necesidades que existen nas distintas parroquias do municipio."
