O proceso selectivo realízase mediante oposición e entrevista persoal. Entre os requisitos exixidos atópanse contar coa titulación de ESO, EXB ou equivalente, e estar en posesión do permiso de condución C1. Ademais, as persoas que non acrediten o Celga 2 ou equivalente deberán superar unha proba específica de lingua galega.
O prazo para a presentación de solicitudes esténdese durante dez días naturais, computados a partir do día seguinte á publicación do anuncio no BOP da Coruña do 25 de setembro. As instancias deberán ser presentadas no rexistro xeral do Concello, utilizando o modelo que figura no anexo II e achegando a documentación requirida nas bases da convocatoria.
As bases completas da convocatoria, o temario detallado e o modelo de solicitude están dispoñibles para a súa consulta no documento adxunto. Os sucesivos anuncios relacionados co desenvolvemento deste proceso publicaranse tanto no taboleiro electrónico do Concello de Rois como no da Casa do Concello.
