A iniciativa cultural, que se desenvolveu entre os meses de maio e xullo, tivo como obxectivo principal difundir a traxectoria vital e profesional da xornalista e escritora homenaxeada pola Real Academia Galega neste ano 2026. O ciclo estivo dirixido a municipios de menos de 50.000 habitantes.
A xornada de clausura terá lugar ás 10:30 horas na Casa da Cultura Manuel Lueiro Rey, en O Grove, e ás 12:30 horas na Praza de Abastos de Meis. A actividade estrutúrase en tres bloques que combinan a narración biográfica, a creación de ilustracións en directo e interpretacións musicais.
Tras a parte artística, o programa inclúe un espazo de debate sobre o legado da autora e un obradoiro práctico onde os asistentes realizarán caricaturas da escritora. A figura de Begoña Caamaño destacou pola súa labor na Radio Galega e pola súa produción literaria, con obras como Circe ou o pracer do azul e Morgana en Esmelle.
