O suceso tivo lugar arredor das 18.15 horas, momento no que a Central de Emerxencias do 112 Galicia recibiu o aviso. Debido á violencia do impacto, que se produciu no punto quilométrico 24, a motocicleta comezou a arder, o que obrigou a mobilizar efectivos de emerxencias para controlar o lume.

Ata o lugar desprazáronse membros do GES de Mugardos, que se encargaron de extinguir as chamas e realizar as labores de limpeza na calzada. Tamén acudiron efectivos da Gardia Civil de Tráfico e profesionais de Urxencias Sanitarias de Galicia-061.

O motorista ferido foi atendido polos servizos sanitarios no mesmo lugar do accidente e, posteriormente, foi trasladado a un centro hospitalario. Segundo as primeiras informacións, a vítima atopábase consciente no momento do seu traslado.